«Ипак йўлининг анъанавий ҳунармандчилиги» китоб-атласи тақдимоти ўтказилди

Мазкур китоб-атлас Марказий Осиё халқаро тадқиқотлари институти ҳамда нодавлат ва нотижорат ташкилотларини қўллаб-қувватлаш жамоат фонди томонидан молиялаштирилган.

- Марказимиз ҳам ўз уставига мувофиқ мақсадли грант лойиҳаларини амалга оширмоқда, - дейди китоб-атлас муаллифи, “Умрбоқий мерос” Ўзбекистон маданияти ва санъати тарғибот маркази директори Лутфия Мирзаева.

- Янги чоп этилган «Ипак йўлининг анъанавий ҳунармандчилиги» китоб-атласи халқимиз ҳунармандчилигини турли миллатларга кўрсатиб, жамиятдаги дўстлик, ўзаро ҳамжиҳатлик ва ҳунармандчилигимизни халқаро даражага оширишда хизмат қилади, деб ўйлайман.

Китобдан Буюк Ипак йўлида жойлашган 22 давлат жой олган бўлиб, 32 тур ҳунармандчилик тури тўғрисида маълумот ва уларнинг суратлари ўрин олган.

Тадбир доирасида “Умрбоқий мерос» тарғибот маркази ”Алпомиш медиа» масъулияти чекланган жамияти, «Мулоқот» жамоат фонди ҳамда «Ворис« фольклор ва номоддий маданий меросни ривожлантириш маркази каби нодавлат нотижорат ташкилотлари билан ўзаро ҳамкорлик меморандумларини имзолади